ប្រជាពលរដ្ឋឃាត់ខ្លួនសិស្សវិទ្យាល័យសាមគ្គីម្នាក់ ពីបទលួចមានស្ថានទម្ងន់ទោស ប្រគល់ឱ្យនគរបាល
18-May-2019 | ដោយ ពលមនសិការ
ភ្នំពេញ៖ កម្លាំងនគរបាលប៉ុស្តិ៍រដ្ឋបាលបឹងសាឡាង នៃអធិការដ្ឋាននគរបាលខណ្ឌទួលគោក រាជធានីភ្នំពេញ បានឃាត់ខ្លួនជនសង្ស័យម្នាក់ ពីបទលួចមានស្ថានទម្ងន់ទោស (ឆក់ទូរស័ព្ទដៃ) ឃាត់ខ្លួននៅចំណុចលើ ដងផ្លូវលេខ៦៧ ក្រុមទី៣៤ ភូមិ៤ សង្កាត់ផ្សារថ្មីទី១ ខណ្ឌដូនពេញ រាជធានីភ្នំពេញ ប្រព្រឹត្តចំណុចមុខផ្ទះលេខ៥៦AJ ផ្លូវលេខ២៣០ ក្រុមទី១៣ ភូមិ៤ សង្កាត់បឹងសាឡាង ខណ្ឌទួលគោក រាជធានីភ្នំពេញ កាលពីថ្ងៃទី១៧ ខែឧសភា ឆ្នាំ២០១៩ វេលាម៉ោងប្រហែល២១នឹង៤០នាទី។
លោកវរសេនីយ៍ទោ សុខ ហេង អធិការនគរបាលខណ្ឌទួលគោក បានឱ្យដឹងថាជនសង្ស័យឈ្មោះ ហេង សេរីវឌ្ឍនា ហៅវ៉ាន់ ភេទប្រុស អាយុ១៧ឆ្នាំ ជនជាតិខ្មែរ មុខរបរសិស្សថ្នាក់ទី៩D1 វិទ្យាល័យ ជាស៊ីមសាមគ្គី ស្នាក់នៅផ្ទះជួលលេខ៦ ផ្លូវលំ ភូមិមានជ័យ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។
វត្ថុតាងចាប់យកមាន៖ ម៉ូតូមួយគ្រឿងម៉ាក Honda C125 ស៊េរី២០១១ ពណ៌ខ្មៅ ពាក់ស្លាកលេខ ភ្នំពេញ 1AT-4978 ដែលមានលេខតួនិងលេខម៉ាស៊ីន: 8537172 (ចាប់យកពីឈ្មោះ ហេង សេរីវឌ្ឍនា ហៅ វ៉ាន់ ជាម៉ូតូសំរាប់ធ្វើសកម្មភាពឆក់)។
ជនរងគ្រោះពុំស្គាល់អត្តសញ្ញាណ ភេទស្រី អាយុប្រហែល៣៦ឆ្នាំ ជនជាតិខ្មែរ ជិះម៉ូតូម៉ាកSuzuki shamsV ពណ៌ខ្មៅ មិនចាំស្លាកលេខ កាន់ទូរស័ព្ទដៃមិនចាំម៉ាក (ក្រោយកើតហេតុបានជិះម៉ូតូចេញទៅបាត់មិនបានដាក់ពាក្យបណ្ដឹងមកសមត្ថកិច្ចយើងទេ)។
លោកអធិការបន្តថា នៅមុនពេលកើតហេតុជនរងគ្រោះពុំស្គាល់អត្តសញ្ញាណ ភេទស្រី អាយុប្រហែល៣៦ឆ្នាំ ជនជាតិខ្មែរ បានជិះម៉ូតូមួយគ្រឿងម៉ាក Suzuki shamsV ពណ៌ខ្មៅ មិនចាំស្លាកលេខ ដៃឆ្វេងកាន់ទូរស័ព្ទដៃមិនចាំម៉ាក ជិះតាមបណ្ដោយផ្លូវ លេខ២៣០ ពីលិចទៅកើត លុះពេលជនរងគ្រោះជិះម៉ូតូមកដល់ចំណុចមុខផ្ទះលេខ៥៦AJ ផ្លូវលេខ២៣០ ក្រុមទី១៣ ភូមិ៤ សង្កាត់បឹងសាឡាង ខណ្ឌទួលគោក រាជធានីភ្នំពេញ ស្រាប់តែមានជនសង្ស័យឈ្មោះ ហេង សេរីវឌ្ឍនា ហៅវ៉ាន់ ភេទប្រុស អាយុ១៧ឆ្នាំ ជនជាតិខ្មែរ និងបក្ខពួកឈ្មោះ សីហា ភេទប្រុស អាយុប្រហែល១៨ឆ្នាំ ជនជាតិខ្មែរ បានជិះម៉ូតូមួយគ្រឿងម៉ាក Honda C125 ស៊េរី២០១១ ពណ៌ខ្មៅ ពាក់ស្លាកលេខ ភ្នំពេញ 1AT-4978 ដោយជនសង្ស័យឈ្មោះ ហេង សេរីវឌ្ឍនា ហៅ វ៉ាន់ ជាអ្នក បើកម៉ូតូ ចំណែកឈ្មោះ សីហា ជាអ្នកជិះខាងក្រោយ ភ្លាមនោះជនសង្ស័យឈ្មោះ ហេង សេរីវឌ្ឍនា ហៅ វ៉ាន់ បានជិះម៉ូតូទៅពីខាងក្រោយខាងឆ្វេងដៃរបស់ជនរងគ្រោះ រួចជនសង្ស័យឈ្មោះ សីហា បានធ្វើសកម្មភាពឆក់យកទូរស័ព្ទដៃ ពីដៃរបស់ជនរងគ្រោះពុំស្គាល់អត្តសញ្ញាណ បានសម្រេច ភ្លាមនោះជនរងគ្រោះបានស្រែកថាចោរៗ ឲ្យអ្នកដំណើរជួយ ភ្លាមនោះឈ្មោះ រស់ វិជ្ជា ភេទប្រុស អាយុ២៣ឆ្នាំ ជនជាតិខ្មែរ និងមិត្តភ័ក្ត្រ បានជិះម៉ូតូដេញតាមពីក្រោយជនសង្ស័យទាំងពីររហូត មកដល់ចំណុចលើដងផ្លូវ លេខ៦៧ ក្រុមទី៣៤ ភូមិ៤ សង្កាត់ផ្សារថ្មីទី១ ខណ្ឌដូនពេញ រាជធានីភ្នំពេញ ពេលនោះឈ្មោះ រស់ វិជ្ជា និងមិត្តភ័ក្ត្រ បានជិះតាមទាន់ចាប់ទាញម៉ូតូរបស់ជនសង្ស័យឈ្មោះ ហេង សេរីវឌ្ឍនា ហៅវ៉ាន់ និងឈ្មោះ សីហា បណ្ដាលឲ្យដួលម៉ូតូ របស់ជនសង្ស័យទាំងពីរ ទៅលើផ្លូវ ភ្លាមនោះជនសង្ស័យឈ្មោះ សីហា បានរត់យកទូរស័ព្ទរបស់ជនរងគ្រោះហើយគេចខ្លួនបាត់ទៅ ចំណែកជនសង្ស័យឈ្មោះ ហេង សេរីវឌ្ឍនា ហៅ វ៉ាន់ ក៏ត្រូវឈ្មោះ រស់ វិជ្ជា បានឃាត់ខ្លួនយកមកប្រគល់ឲ្យសមត្ថកិច្ចនគរបាលប៉ុស្តិ៍រដ្ឋបាលបឹងសាឡាង ចាត់ការតាមផ្លូវច្បាប់តែម្ដង។
ដោយឡែកជនរងគ្រោះមិនស្គាល់អត្តសញ្ញាណ ក្រោយកើតហេតុបានជិះម៉ូតូចេញទៅបាត់ដោយ មិនបានដាក់ពាក្យបណ្ដឹងមកសមត្ថកិច្ចយើងទេ។ ការធ្វើតេស្តិ៍ស្វែងរកសារធាតុញៀនក្នុងទឹកនោមជនសង្ស័យរូបនេះ ជាលទ្ធផល មានភាព វិជ្ជមាន (មានសារធាតុញៀន)។
បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្ដោះអាសន្ន នៅអធិការដ្ឋាននគរបាលខណ្ឌទួលគោក ដើម្បីសាកសួរ កសាងសំណុំរឿងទៅសាលាដំបូងរាជធានី ភ្នំពេញ ចាត់ការតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ1401
- ម្សិលមិញ6261
- សប្តាហ៍នេះ19781
- ខែនេះ134931
- ឆ្នាំនេះ134931
- សរុប20577387